Album «Zuckerbrot & Peitsche» per Handy vorbestellen: SMS «igroove HAERD» an die Nummer 900 (CHF 14.00).

Vorbestellen unter:
iTunes: http://ow.ly/QBIaK
ExLibris: http://ow.ly/QBIkf
CeDe.ch: http://ow.ly/QBIof

Regie: Samuel Flückiger
360° Kamera: Christian Schläpfer (www.3D360.ch)


Als Vorab-Single zum 5. Album lanciert Brandhärd mit «Umarm sie» ein Video, das im 360-Grad-Modus gedreht wurde: Wer den Clip auf dem Smartphone oder Tablet über die aktuellste YouTube-Version oder Google Chrome anguckt, kann selber Kamera führen und sich frei auf den Schauplätzen umsehen. Das Video wurde in Zusammenarbeit mit dem Winterthurer «Virtual Reality»-Spezialist Christian Schläpfer (www.3D360.ch) und dem Basler Regisseur Samuel Flückiger realisiert. «Umarm sie» ist das 13. Musikvideo, das Brandhärd seit 2002 mit Samuel Flückiger gedreht hat.

Lyrics: Brandhärd – Umarm sie

Sie nennes erwachse – y hätt guet no könne warte druff.
Jede Daag go schaffe mit em Gfühl: Die Sägg verarsche uns.
Immer nur am seggle obwohl mr niene aane kunnt.
Als wäre mr Soldate und die Wält nur no Date-Schund.
Schluss jetzt! Gnueg lang ha mi uffgreggt
über Lütt wo mr nütt bedütte, Attitüde nur uffgsetzt.
Wie kasch di tryybe loh im ene usstrocknete Flussbett?
Y will en usskotze, dr Fruscht jetzt.
Tramfahre, Wartschlange, Sache wo mi gnärvt hänn.
So viel Kleinigkeite, wo's an sich kei Wärt hätt.
Aber ych schaffs halt glyych.
Als ob-y kei Härz hätt, gstresst und aggressiv.
Denn verletz-y näbebyy no die Lütt won-y lieb.
Im Kleine wie im Grosse: Hütt bruuchts nütt für e Krieg.
Ych hass mr drfür, ab jetzt sträng-y mi aa.
Und sag mine Liebschte, wie gärn-y sie ha.

Umarm sie – sag was de dänggsch.
Alles ok, jede Daag isch e Gschängg.
Umarm sie – sag was de dänggsch.
Alles ok, jede Daag isch e Gschängg.
Drumm umarm sie – kumm sag was de dänggsch.
Alles ok, jede Daag isch e Gschängg.
Umarm sie – und alles stoht still.
Dä Momänt isch unändlich solang dass des willsch.

Werum verletzt mr sini Liebschte obwohl sie's nid verdiene?
War hässig uf sich sälber isch stoht besser vor dr Spiegel.
Loost besser in sich yyne, dä Stress kunnt nid vo niene.
Schädelbrumme, Magebrenne – hesch es mit dr Niere?
Ei Problem isch: Was mir liebe
merksch oft erscht us Angscht, ebe das grad z verliere.
Zwüsche Knutschattacke und Huus abfackle
ligge oft nur Nuance, Zoff oder Chance.
Fuscht in Mage oder sanfte Guetnachtkuss.
Mir sinn s Resultat vo mindestens aim Orgasmus,
sinn alli nur e Schuss, verglüehe in dr Milchstross.
Merksch es kuum, so lang no mittedinn stohsch.
Nütt isch sinnlos, solang em e Sinn gisch.
Und wenn wieder down bisch – betrachts nid als Sinnbild.

Refrain

Also gniessed die Momänt so lang wie nur möglich.
Mir liebe die Momänt, wills grad e so schön isch.
Mr fyyre unser Läbe. Unser Läbe, es isch tödlich.
Drgäge gitts kei Lösig und doch sinn mr fröhlich.
Chlöön nid, sondern mach, dass es schön blybt.
Lach wien e Ölbild und alles isch möglich.

Refrain